சீன அரசால் மேலும் ஒரு தொகுதி தடுப்பூசிகள் வழங்கி வைப்பு!!!

சீனா அரசாங்கத்தால் இலங்கைக்கு வழங்கப்பட்ட மேலும் 5 இலட்சம் சைனோபார்ம் தடுப்பூசி தொகை இன்று (26) புதன்கிழமை அதிகாலை  வந்தடைந்துள்ளது.

ஶ்ரீலங்கன் விமான சேவைக்கு சொந்தமான விசேட விமானத்தில் குறித்த தடுப்பூசி தொகை கட்டுநாயக்க விமான நிலையத்திற்கு கொண்டு வரப்பட்டுள்ளது.

இதற்கு முன்னர் 6 இலட்சம் சைனோபார்ம் தடுப்பூசிகள் சீன அரசாங்கத்தால் இலங்கைக்கு வழங்கப்பட்டமையும் குறிப்பிடத்தக்கது.

குறித்த தடுப்பூசி தொகுதிகளை கட்டுநாயக்க விமான நிலையத்தில் பொறுப்பேற்கும் நிகழ்வில் அமைச்சர்கள், இராஜாங்க அமைச்சர்கள், விமான நிலைய உயரதிகாரிகள், சுகாதார துறை அதிகாரிகள் என அனைவரும் கலந்து கொண்டனர்.