தமிழ் மொழியில் ஜனாதிபதி விசாரணை ஆணைக்குழு மனோ எம்.பிக்கு அழைப்பாணை

கடந்த ஆட்சிக்கு  முந்தைய ஆட்சியின் போது நடைபெற்றதாக கூறப்படும்  ஊழல்களை விசாரிக்க, கடந்த ஆட்சியில், ஊழல் எதிர்ப்பு குழு அமைக்கப்பட்டது. 

இந்த ஊழல் எதிர்ப்பு குழு மற்றும் அதன் செயலகம் தொடர்பாக இந்த ஆட்சியின் ஜனாதிபதி கோதாபய ராஜபக்சவினால் நியமிக்கப்பட்ட விசேட ஜனாதிபதி ஆணைக்குழு, சார்பாக ஆணைக்குழுவின் செயலாளர் எச்.எம்.பீ. பி. ஹேரத், தமிழ் முற்போக்கு கூட்டணி தலைவர் மனோ கணேசனை இம்மாதம் 29ம் திகதி விசாரணைக்கு சமூகம் அளிக்கும்படி கோரி தமிழ் மொழியில்  அழைப்பாணையை மனோ எம்பியின் இல்லத்துக்கு அந்த வலய பொலிஸ் நிலையம் மூலம்  அனுப்பி வைத்துள்ளார்.  

ஜனாதிபதி கோட்டபாய ராஜபக்ஷ அவர்களால் நியமிக்கப்பட்ட விசேட ஜனாதிபதி ஆணைக்குழுவின் விசாரணைக்கு சமூகம் அளிக்கும்படி, கடந்த வாரம் சிங்கள மொழியில் இந்த அழைப்பாணை மனோ கணேசன் எம்.பிக்கு அனுப்பட்ட போது, அதை ஏற்க மறுத்து தமிழ் மொழியில் அழைப்பாணையை அனுப்பும்படி மனோ எம்.பி கூறியிருந்தார்.இந்நடவடிக்கை ஊடகங்களில் பேசுபொருளாக இருந்தது.  

இந்நிலையில் தற்போது தமிழ் மொழியில், இந்த அழைப்பாணையை மனோ கணேசன் எம்பியின் இல்லத்துக்கு அந்த வலய பொலிஸ் நிலையம் மூலம், ஜனாதிபதி கோதாபய ராஜபக்சவினால் நியமிக்கப்பட்ட விசேட ஜனாதிபதி ஆணைக்குழுவின் சார்பாக ஆணைக்குழுவின் செயலாளர் எச். எம். பீ. பி. ஹேரத் அனுப்பி வைத்துள்ளார்.