ஒலுவில் தென்கிழக்கு பல்கலைக்கழகம் இலங்கையில் முதலாவதாக தெரிவு செய்யப்பட்டுள்ளது...

(கலீலுர் றஹ்மான்)

தென்கிழக்கு பல்கலைக்கழகம் இலங்கை பல்கலைக்கழகங்களில் UI Greenmetric Ranking 2020ஆம் ஆண்டின் தரப்படுத்தலில் முதலாம் இடத்தைப் பெற்றுள்ளது.

இந்த தரப்படுத்தலில் பங்குபற்றிய 922 பல்கலைக்கழகங்களில் உலகளாவிய ரீதியில் 331 ஆம் இடத்தையும் இலங்கையில் முதலாம் இடத்தையும் தென்கிழக்கு பல்கலைக்கழகம் பெற்றுகொண்டமை குறிப்பிடத்தக்க சாதனையாகும். 

இலங்கையில் உள்ள ஆறு பல்கலைக்கழகங்கள் இந்த தரப்படுத்தலில் பங்குபற்றியபோதும், தென்கிழக்கு பல்கலைக்கழகம் 5,975 புள்ளிகளைப் பெற்று இந்த இடத்தைப் பெற்றிருப்பதோடு "Silver Ranking" எனும் தரத்தையும் அடைந்திருக்கிறது. 

இது பிராந்திய ரீதியில் அனைத்து கரையோர பிரதேச மக்களுக்கும் மட்டற்ற மகிழ்ச்சியை கொடுத்துள்ளது.

இந்த சாதனையை அடைய அயராது பாடுபட்ட பல்கலைக்கழக உபவேந்தர், பீடாதிபதிகள், பேராசிரியர்கள், விரிவுரையாளர்கள், உத்தியோகத்தர்கள், ஊழியர்கள் உட்பட அனைத்து ஆளுமைகளுக்கும் பல்கலைக்கழக சமூகம் பாராட்டினை தெரிவித்துக் கொள்கின்றனர்.