புதிய பிரதேச சபை உறுப்பினராக எம்.ரீ.எம்.பைறூஸ் சத்தியப்பிரமாணம்!!

ஸ்ரீலங்கா சுதந்திரக் கட்சியின் ஓட்டமாவடி பிரதேச சபையின் புதிய கௌரவ உறுப்பினரின் சத்தியப்பிரமாண நிகழ்வு பிரதேச சபையின் கௌரவ தவிசாளர் ஏ.எம்.நௌபர் அவர்களின் தலைமையில் கடந்த 04ஆம் திகதி இடம் பெற்றது.

கடந்த 2018ஆம் ஆண்டு இடம்பெற்ற உள்ளூராட்சி மன்றத் தேர்தலின் போது கோறளைப்பற்று மேற்கு பிரதேச சபையின் ஸ்ரீலங்கா சுதந்திரக் கட்சிக்கு கிடைத்த ஒரு ஆசன அடிப்படையில் நியமிக்கப்பட்டிருந்த ஒருவர் அப்பதவியை தாமாகவே முன்வந்து இராஜினாமா செய்தமையினை தொடர்ந்து குறித்த பிரதேச சபையின் உறுப்பினர்  வெற்றிடத்திற்கு அப் பிரதேச சபைத் தேர்தலில் போட்டியிட்ட பட்டியல் வேட்பாளர் எம்.ரீ.எம்.பைறூஸ் என்பவர் நியமிக்கப்பட்டுள்ளார்.

ஸ்ரீலங்கா சுதந்திரக் கட்சியின் மாவட்ட அமைப்பாளரும், முன்னால் கிழக்கு மாகாண சுகாதார அமைச்சருமான எம்.எஸ்.சுபையிர் மற்றும் பிரதேச சபையின் தவிசாளர் ஏ.எம்.நௌபர் முன்னிலையில் இச்சத்தியப்பிரமாணம் இடம்பெற்றதோடு, கோறளைப்பற்று மேற்கு பிரதேச சபை உறுப்பினர்கள், முக்கிய செயற்பாட்டாளர்கள் பலரும் இந்நிகழ்வில் கலந்து கொண்டனர் என்பது குறிப்பிடத்தக்கது.